Ngiyisebenzisa kanjani iKhithi Yemaski loHlobo 1?
Sicela uphathe isisefo semaski yakho ngokucophelela! Uma uyiwasha, ungayimfonyozi. Kungcono okungenani uyithele ngamanzi ashisayo (ukushisa okuyi-60 degrees) bese uyeneka izomele.
Ungathola amakhithi amathathu amamaski obuso asetshenziswa ngokuphindelela – lokhu kwanele ukuba ukwazi ukugqoka enye imaski ngenkathi enye iwashiwe nsukuzonke. Ikhithi iqukethe lokhu:
- Imaski yobuso inongwengwesi olubili lwepholiyesta, KANYE
- Nolunye ungwengwesi olungaphakathi olwenziwe nge-‘nanofiber insert’ yekhwalithi ephambili ehambisana nezimfuno zezempilo zemaski yoHlobo 1.
Imaski yendwangu ingasetshenziswa izikhathi eziningi. I-nanofiber insert kumele ishintswe emva kokuba isetshenziswe izinsuku eziyishumi. I-COVID-19 ithelelana isuka kumathonsana aphefumulwayo. Njenganoma iyiphi imaski yoHlobo 1 noma uHlobo II, le khithi yemaski yobuso izovikela noma yimaphi amathonsana athwele igciwane ukuba angakwazi ukuphumela ngale kwayo, kodwa ayisebenzi ngezinga elilinganayo ne maski yokuphefumula i-N95.
Kumele ngiyisebenzise nini imaski?
- Sebenzisa le maski njalo lapho udinga ukufaka imaski yoHlobo 1 (bheka uhla lwakho lokuhlola i-PPE).
- Uma udinga ukusebenzisa imaski yoHlobo II kodwa ungenayo, le maski izokunika cishe ukuvikeleka kwezinga elilinganayo.
- Futhi ifanelekile ukusetshenziswa iziguli ezine-COVID-19 – kodwa sikhuthaza ukuba uzigcinele yona ukuba asetshenziswe uwena bese unikeza iziguli zakho imaski yezokwelapha ehlanzekile yoHlobo 1 njalo lapho zizokubona.
Ngiyihlanza kanjani futhi ngibulala kanjani amagciwane kuyona?
Ekupheleni kosuku ngalunye:
- Khipha ungwengwesi olungaphakathi.
- Hlanza imaski yendwangu ubulale amagciwane kuyo nongwengwesi lwangaphakathi ngokukuthela amanzi abilayo. Ungabe usuwasha imaski ngesandla noma ngomshini wokuwasha, kodwa hhayi isisefo.
- Geza izandla zakho emva kwalokho.
Bulala amagciwane – bese uhlanza!
- UKUBULALA AMAGCIWANE kubulala amagciwane. UKUHLANZA kwenza inuke kamnandi nangokuhlanzeka.
- Ngaso sonke isikhathi ubofaka futhi ukhiphe imaski yakho ngendlela oyalelwe ngayo.
